Fusion 360 er 3D-teikneprogrammet (CAD) som vert nytta på mekanisk. Faglærar hjelper deg med å installere det.

GeoGebra er eit program for geometri, algebra og kalkulus som vert nytta i matteundervisninga. Du finn det på nedlastingssida til fylkeskommunen. Merk at skulen nyttar versjonen «Geogebra 5 Classic».

Du kan og finne meir informasjon på heimesidene til programmet.

Dersom du nyttar Mac og har problem med å få installert Geogebra, prøv å følge installasjonsrettleiinga til Apple.

Inosa er eit nettbasert system som vert nytta på nokre yrkesfag. Ta kontakt med din faglærar for adressa du skal gå inn på, og brukarnamn og passord til sida.

Lingdys og Lingpilot er programvare utvikla for å hjelpe deg med lesing og skriving. Denne programvara er kun eit tilbod til elevar som har eit behov for det.

For å få programvara må IT ha beskjed frå lærar om at dette er eit behov. Du kan ikkje installere det sjølv.

Merk at du frå skuleåret 2023/2024 ikkje lenger får programvara frå skulen/fylket. Då må du sjølv søke NAV om å få tilgang til Lingdys.

Fylkeskommunen gir deg lisens til å nytte Microsoft Office så lenge du er elev. Dette inkluderer skylagring (OneDrive), epost (Outlook) og Teams.

Du finn meir informasjon, inkludert korleis du lastar det ned, på officesida til fylkeskommunen.

Hugs at du når du sluttar som elev mistar tilgangen til å bruke programvara, til eposten og til dokument du har lagra i skya. Ønsker du å nytte Office etter at du er ferdig som elev må du sjølv kjøpe ein lisens, eller nytte eit alternativ som LibreOffice.

Fylket tilbyr ordbøkene Ordnett Pluss og Clue. Desse finn du på nedlastingssida til fylkeskommunen.

PocketID er ein app som du har på mobiltelefonen din, som fungerer som elevbevis og lånekort for skulen sitt bibliotek. Du finn den ved å søke den opp i app-butikken på mobiltelefonen din.

Etter å ha installert den må du logge deg på med brukarnamnet og passordet du har fått (hugs at du tilhøyrer Rogaland Fylkekommune).

Deretter tek du eit bilete, eller legg til eit bilete som du har, av deg sjølv.  Pass på at biletet må vere godt, sjå regler for passfoto. Dersom biletet du har vald ikkje vert godkjent, vil du få beskjed om at du må ta eit nytt.

Biletet vert nytta for at den som sjekkar skulebeviset ditt kan sjå at det er deg. Det vert og nytta av lærarar og administrasjon på skulen.

Ein del programvare for Mac lastar du ned via RFK App Store. Du finn programmet på nedlastingssida til fylkeskommunen.

I nokre klassar vert og anna programvare nytta. Som regel vil faglærar hjelpe til med installasjonen av denne.