Bustaden har tretti hyblar på to etasjar.
Seks av desse er universelt utforma.
Bygget har rullestolheis og fellesareal med fjernsynskrok, samt eit vaskerom med to vaskemaskiner og to tørketromlar.
Utleige føregår via Sauda vidaregåande skule, som har ansvaret for drift og tilsyn.
Hyblane
Hyblane med universell utforming er på 19,5 m². Dei andre hyblane er på 12,9 m². Alle rom har ein kjøkkenkrok, samt eit eige bad med dusj.
Hyblane har trådlaust nett (med moglegheit til å kople til med kabel), og deler ei 50/50-fiberlinje.
I tillegg har kvar hybel ein bod på 2,5 m² i eit separat bygg.
Inventar
- rammemadrass
- 2 stolar
- skrivebord
- gardiner
- kjøkkenkrok (kjøleskap, induksjonskoketopp og komfyr)
- garderobeskap
- dusjforheng
Hugs at du sjølv må ta med ting som dyne, pute, sengtøy og kjøkkenutstyr.
Du finn eit biletalbum på Facebook med bilete av hyblane.
Adresse
Du finn elevbustaden i Torsveien 89, 4200 Sauda.
Leigepris
Den gjeldande prisen for å leige ein hybel i elevbustaden kan du finne i utleigereglementet for elevbustaden.
Korleis søke
For å søke om hybel må du fylle ut søknadsskjemaet for å leige hybel i elevbustaden. Hugs å lese utleigereglementet for elevbustaden som fortel om plikter og rettar i leigeforholdet.
Du bør søke om hybel før du er sikker på om du får skuleplass. Det er mange søkarar, og me startar inntaket på våren.
Dersom det viser seg at du ikkje får skuleplass, mistar du rett på hybel, og avtala vert automatisk annullert utan at du treng å gjere eller betale noko.
Har du takka ja til hybel for deretter å takke nei til skuletilbodet, bør du gi beskjed om det. Avtala vert då annullert utan at du treng å betale noko.
Søk om hybel i elevbustaden