Nærmiljø

Skulen sine tre avdelingar finn du i Sauda og Suldal kommune. Skulen si hovudavdeling og avdelinga for transport finn du i Sauda, medan ToppVolley Norge held til i Suldal.

Sauda

Sauda er ein liten by som ligg inst i Saudafjorden, heilt nord i Rogaland. Det meste av butikkar og tenester ligg på dei flate områda nede ved fjorden. Buss og hurtigbåt stoppar på kaien, og det tar ca. 10 minutt å gå gjennom sentrum og opp til skulen.

Det er mange forskjellige aktivitetar å ta seg til på fritida i området. På sidene til Sauda ferie & Fritid og Portal Sauda finn du meir informasjon om området og moglegheiter der.

Reise til Sauda

For å komme til Sauda køyrer du riksveg 520. Frå Haugesund tek turen ca. 2 timar.

Sommarstid kan du og køyre riksveg 520 frå Røldal, som tek ca. 50 minutt. Merk at turen går på vestlandsvegar over fjellet, og at denne vegen er vinterstengt. Kjem du frå aust om vinteren kan du eventuelt køyre om Suldal eller Etne.

Det er og mogleg å køyre frå Stavanger, anten via riksveg 13 om Tau, Hjelmeland og Suldal, eller å køyre mot Haugesund og så ta av mot Sauda når du kjem til Aksdal.

Ønsker du å reise kollektivt har Kolumbus ein hurtigbåt som går til Stavanger (via Sand, rute 510), samt bussar som går ut til Haugesund via Ølen (rute 150 og 260, bytte i Ølen). Det er og busskorrespondanse til Sand (frå Ropeid, rute 151).

Sand i Suldal

Sand er kommunesentrum i Suldal kommune i Rogaland, og ligg ved Sandsfjorden. Buss og båt stoppar ved kaien, skulebygga ligg i gåavstand, litt lenger inn og opp, på Eide.

Det meste av butikkar og tenester er å finne nede ved fjorden, men ein del er og å finne på Garaneset, 1,7 km lenger opp. Du kan lese meir om området og kva du kan gjere der på lokalavisa Ryfylke sin artikkel om Sand og Visitsuldal.no.

Reise til Sand

Kjem du frå aust kan du ta riksveg 13 frå Røldal, som tek ca. 1 t 15 m.

Frå Haugesund går turen likt som til Sauda, men du svingar av til fylkesveg 46 ved Ropeid og køyrer om Sandsfjord bru, som tek ca. 2 t 10 m.

Kjem du frå Stavangerområdet kan du køyre riksveg 13 om Tau og Hjelmeland, som tek ca. 2 t 10 m. Du kan og køyre mot Haugesund, for så å ta av mot Suldal når du kjem til Aksdal.

Kollektivt kan du frå Haugesund ta bussen til Sauda, for så å gå av på Ropeid og ta rute 151 til Sand. Frå Røldal (Håra) kan du ta rute 160. Kjem du frå Jelsa kan du ta rute 161. Hurtigbåten som går frå Stavanger til Sauda (rute 510) går innom både Jelsa, Ropeid og Sand. Det er Kolumbus som står for transporten.

Rogaland og kommunane som er ein del av den. Rogaland Fylkeskommune

Sist endra 16.01.2023 11.16

Nærmiljø

Nærmiljø

Sauda

Sand i Suldal

Sentralbordet

Kontakt oss

Her finn du oss

Sauda vidaregåande skule

Avdeling Birkeland

Avdeling Sand