Opplæringa har som mål å kvalifisere eleven til eit tilrettelagt arbeid i arbeidsmarknadsbedrift eller ordinær bedrift, og fører fram til eit kompetansebevis som dokumenterer eleven sin sluttkompetanse.
Opplæringa er forankra i læreplanens generelle del og fagplanen for utdanningsprogrammet eleven er tatt inn på. Det kan og vere aktuelt å hente opplæringsmål frå andre læreplanar i Kunnskapsløftet.
Skulen tek og inn elevar med behov for omfattande tilrettelegging («Hverdagslivstrening»)
Målgruppe
- Elevar med tilrettelagt arbeid som mål etter skulegang
- Elevar med store generelle lærevanskar eller psykisk utviklingshemming
- Elevar med oppfølgingsbehov både i og utanom skuletida
- Elevar som har behov for tilrettelegging for både fagleg og sosial utvikling
Målsetting
- Kompetanse som vil kunne gi eleven meiningsfylt arbeid
- Kompetanse som vil kunne gjere eleven i stand til å verte mest mogleg sjølvstendig i daglege gjeremål/busituasjon
- Utvikle positive haldningar/sosiale ferdigheiter
- Oppleve meistring
- Arbeidstrening på og utanfor skulen
Organisering
Tilbodet er organisert i grupper med redusert elevtal og går føre seg i tilrettelagde undervisningslokale, med høg vaksentettleik. I opplæringa vert det lagt vekt på kommunikasjon, dagleglivets aktivitetar, grunnleggande - og sosiale ferdigheiter. Dei sosiale ferdigheitene me fokuserer på er ferdigheiter som elevane treng for å meistre jobb og ha eit godt sosialt liv.
Elevane vert gjevne opplæring etter individuell opplæringsplan (IOP), med utgangspunkt i den enkelte elev sitt funksjonsnivå og utviklingsmoglegheiter. IOP-en byggjer på sakkyndig vurdering frå PPT og enkeltvedtak om spesialundervisning.
Personalgruppa vår består av lærarar, miljøarbeidarar og vernepleiarar.
Du kan og lese meir om organiseringa av undervisninga.
Arbeidsmåtar
- Jamleg samarbeid med heim og andre samarbeidspartnarar/ansvarsgruppemøte
- Kontaktbok mellom heim/skule/avlasting ved behov
- Arbeidsoppgåver som er lagde til rette for eleven, og støtte frå personale
- Tydeleg struktur gjennom skuledagen
- Tydelege tilbakemeldingar
- Arbeide etter dagsplan
- Praktisk arbeid på og utanfor skulen
- Opplæringsavtalar
- Nytte nærmiljøet som opplæringsarena
- Ungdomsbedrift
Elevane har totalt 842 årstimar (studiespesialiserande programområde) eller 891 årstimar (yrkesfaglege programområde).