Ta imot plassen
For å ta imot plassen må du:
- Svare elektronisk på søkesida Vigo. Hugs svarfrist.
- Møte opp på skulen første skuledag, tysdag 19. august klokka 08:10. Dei som skal gå på skulen sine avdelingar i Sauda møter på skulen sin avdeling på Lofthus, Griegs gate 40. Dei som skal gå på ToppVolley Norge møter på skulen si avdeling på Sand til same tid.
Merk at dette ikkje gjeld elevar som byrjar på Vg4 Påbygg. Informasjon om oppmøte der finn du lenger nede på sida.
Lærlingar som skal gå på 19 vekers kurset for yrkessjåførar vil og få eigen informasjon.
NB: Du må møte opp første skuledag av skuleåret. Dersom du ikkje møter opp, og ikkje har godkjent grunn, mister du skuleplassen. Er du sjuk første skuledag har du plikt til å melde frå til skulen snarast mogleg og seinast innan oppmøtetidspunktet den første skuledagen. Du må kunne vise legemelding som dokumenterer at du er sjuk.
Du har fleire måtar å komme deg til Sauda og Sand på.
Ved skulestart/informasjonsmøte
Dersom du ønsker ei omvising på avdelingane i Sauda før skulestart, kan du møte opp måndag 18. august klokka 17:00–19:00 i Griegs gate 40.
Læremiddel
Du får tilbod om å kjøpe datamaskin gjennom fylkeskommunen. Skulen anbefaler at du kjøper ei Windows-maskin. Dette då fylkeskommunen nyttar Microsoft365, som har meir funksjonalitet mot Windows enn mot Mac. Windows gir derfor mindre utfordringar i skulekvardagen enn anna utstyr.
Når det gjeld brukarstøtte, er det og slik at skulen har meir kompetanse på Windows-maskinar. Skal du nytte Mac må du derfor ha så pass god kompetanse at du kan løyse utfordringar som oppstår sjølv.
Sjå meir på fylket sine informasjonssider om PC ordninga, og skulen sine anbefalingar.
Merk at du ikkje kan nytte Mac dersom du skal gå på elektro- og datateknologi eller teknologi- og industrifag.
Skal du gå i innføringsklasse treng ikkje kjøpe datamaskin. Då får du låne PC av skulen.
Fagbøker får du låne ved skulen sitt bibliotek. Merk at du vil vere økonomisk ansvarleg for bøkene du får låne, sjå reglementet for lån av lærebøker for meir informasjon.
Lån og stipend
For å få lån/stipend må du søke om det elektronisk, sjå www.lanekassen.no.
Hybel
Skulen kan tilby informasjon om hyblar til leige i Sauda. Du kan kontakte skulen, eller sjå skulen si oversikt over hyblar for elevar.
Det ligg mange leigebustader tilgjengeleg på facebookgruppene “Utleie Sauda” og «Ønskes solgt, kjøpes, gis bort SAUDA SAND SULDAL omegn». I lokalavisa Ryfylke kan du og annonsera eller finne hybelannonsar.
Ta gjerne turen innom for ein prat i opningstida. Hovudskulen vil vere open på dagtid, med unntak av dei tre siste vekene i juli, veke 28, 29 og 30. Sentralbordet er stengt i same tidsrom.
Skulen si heimeside
Du finn alltid oppdatert informasjon på heimesida vår. Me oppmodar elevar og føresette til å nytte denne aktivt i perioden fram mot skulestart og i skulestartperioden. Her finn du informasjon om mellom anna fagtilbod, skulerute, pc-ordning, skyssordning, læremiddel, personalinformasjon og anna aktuell informasjon.
Brukarkonto
Når det nærmar seg skulestart vil du få tilsendt ein SMS med informasjon om å aktivere brukaren din i fylket sine system. Etter å ha fått SMS må du sjølv gå inn på fylket si side om M365-konto og følge instruksane der for å aktivere den. Det bør du gjere før skulestart, slik at alt er klart når du startar.
Hugs å lese gjennom reglene for bruk av IT og reglene for lån av lærebøker.
Etter det får du tilgang til o365.rogfk.no. Der finn du kontorprogramvare og skylagring og kan laste ned og installere Office. Du bør både sette opp skylagringa (OneDrive) og installere Office-programma på maskina di før skulestart.
Etter 19. august kan du og logge deg på Visma der du får ei oversikt over informasjonen me har om deg, inkludert karakterer og fråvær. Før den datoen vil du og kunne logge deg inn, men då får du kun begrensa tilgang.
Informasjon for spesifikke utdanningstilbod
Nokre utdanningstilbod har meir informasjon til deg som ny elev. Dersom du skal byrje på eit av utdanningsprogramma under, bør du passe på å lese den.
Me vil med dette ønska deg velkommen til ambulansefag ved Sauda vidaregåande skule, skuleåret 2025/2026.
Informasjonsmøte
Måndag 18.august klokka 17.00 blir det foreldremøte med informasjon og omvising. Kontaktlærar vil informera om skuleåret og undervisinga. Det er viktig for oss med eit godt skule – heim samarbeid, og håpar difor at føresette kan stilla denne dagen.
Vaksine
Me tilrår på det sterkaste at du vaksinerer deg mot Hepatitt A og B. Du må kjøpa vaksinen sjølv, men den kan verte sett gratis på skulen av autorisert helsepersonell i samråd med lokalt legekontor.
For å få vaksinen må du skaffa deg resept på TWINRIX, REIT 2 før skulestart. Dette må du til fastlegen for å få. Vaksinen vert sett tre gonger i løpet av skuleåret, og du må hente ut og betala ei vaksine på apotek for kvar gong.
Klassetur
Me har som tradisjon å starta skuleåret med ein klassetur til fjells. Målet med turen er å bli godt kjende med kvarandre og legga eit godt, sosialt grunnlag for resten av året. Me skal bu på hytte og legg opp til fotturar og undervising utandørs.
Du vil trenga følgjande utstyr:
- Ryggsekk
- Gode sko
- Regntøy
- Sovepose
- Varme klede
- Ull undertøy
- Handkle/toalettsaker
- Sko til bruk inne
Fysiske krav
Det er ingen fysiske krav for å komme inn på Vg2 ambulansefag, men helseføretaka gjennomfører testar i samband med opptak til læreplass. Det er viktig at du er førebudd til desse testane. Derfor har skulen ekstra fokus på trening av fysisk uthald og styrke. I tillegg er fysiske testar ein ein del av undervisinga gjennom heile skuleåret. Me oppfordrar og alle til regelmessig trening gjennom sommaren og skuleåret.
Mvh
Kjersti Brekke, kontaktlærar
Mobil 924 03 429.
Oppstartssamling
Me startar opp med ei fysisk samling onsdag 20. august klokka 10:00–14:00 på Folkets Hus i Stavanger. Hensikta med ei slik felles oppstart er at du skal få møte lærarar og medelevar og verte litt kjent med nokre arbeidsmåtar, ressursar og verktøy me nyttar i dei ulike faga. I tillegg vil du få teknisk hjelp til registrering og installasjon av programvare.
Ta med deg mobiltelefon og berbar datamaskin denne dagen. Det er då me vil nytte dagen til å presentere våre nettbaserte kommunikasjonsarenaer, som du som elev i 4PÅB vil få undervisning og tett oppfølging på gjennom året.
På samlinga vert det enkel servering (kaffe, te, frukt), men ikkje mat – det må du sørge for sjølv.
Det er viktig at du gir beskjed dersom du ikkje kan delta på oppstartssamlinga. Om du ikkje møter – og heller ikkje har gitt beskjed om at du ikkje kjem – risikerer du å miste skuleplassen. Meld frå til sindre.nordengen@skole.rogfk.no på førehand om du ikkje kan komme.
Informasjon om påbygging på nett
Du har søkt dette påbyggingstilbodet fordi du manglar fellesfag som krevst for å få generell studiekompetanse. Vårt fagtilbod består av norsk (10 timar per veke), matematikk (5 timar per veke), naturfag (3 timar per veke) og historie (5 timar per veke). Til saman utgjer det 23 timar per veke.
Mange av våre elevar kombinerer skule med fast jobb. Sidan vårt tilbod er fleksibelt med tanke på når og kor du arbeider med faga, lar det seg kombinere.
Det aller meste av undervisninga vil skje via nett. Informasjon om undervisningsopplegg og vurderingssituasjonar som krev fysisk oppmøte til bestemte tidspunkt vil verte gitt god tid i førevegen, slik at du kan planlegge kombinasjonen av skule, jobb og og andre forpliktelsar.
Me følger «gratisprinsippet» når det gjeld undervisningsmateriell, og nyttar derfor digitale læremiddel. Ingen fag er basert på innkjøp av skulebøker.
Du må stille med datamaskin med webkamera sjølv. Me anbefalar ei bærbar maskin med Windows eller ein Mac, sidan det er mest praktisk når du for eksempel skal avlegge eksamenar. Nødvendig programvare (som Microsoft Office-pakken) vil du som elev hjå oss få laste ned og installere utan kostnadar.
Kontakt
Sindre Nordengen
Kontaktlærar
Epost: sindre.nordengen@skole.rogfk.no
Velkommen til Sauda vidaregåande skule
Du har fått skoleplass ved innføringsklasse ved Sauda vidaregåande skule for skoleåret 2025/2026. Vi håper du vil trives og få et lærerikt år hos oss.
Første skoledag er tirsdag 19. august 2025 kl. 08:10. Det er viktig at du møter første skoledag. Dersom du er syk eller ikke kan komme, må du på forhånd gi beskjed til skolen. Det er oppmøte ved Sauda vgs, avdeling Lofthus (i Sauda). Lærere vil stå ved alle innganger og vise deg til klasserommet, der du får møte kontaktlæreren og klassen din. I klasserommet vil du få informasjon om fag, timeplan, rom, lærere, PC og bøker.
Du trenger ikke kjøpe PC eller kalkulator. Dette får du som elev i innføringsklassen låne av skolen.
Du må selv kjøpe og ta med skrivebøker og skrivesaker. Du kan søke om utstyrsstipend i Lånekassen.
Dersom du vil søke om lån/stipend må du gjøre dette elektronisk. Se www.lanekassen.no.
De første dagene vil bli brukt til å bli kjent med skolen, medelever og lærere. Du vil også få hjelp til å komme i gang med de digitale plattformene som blir brukt i undervisningen.
Klassetur
I løpet av de to første ukene drar vi på klassetur. Målet med turen er å bli godt kjent med hverandre og skape et godt klasse- og læringsmiljø.
Ta gjerne kontakt om du har spørsmål.
Vi ønsker deg velkommen til Sauda vidaregåande skule.
Mvh Kristin Bruknapp og Janne Eikevik
Fleire spørsmål?
Dersom du har fleire spørsmål må du ikkje vere redd for å kontakte skulen. Lurer du på noko angåande brukarkonto, nettverk, datamaskin eller liknande, kan du sende ein epost til IT.
Me ønsker deg velkommen som elev ved Sauda vidaregåande skule.